"Qazaqkontsert" uiymyna KSRO jáne Qazaqstannyń Halyq ártisi, Halyq qaharmany Roza Baǵlanovanyń esimi berildi, - dep habarlaidy "Ult aqparat".
"Roza Baǵlanova Qazaqkontsertte 1960 jyldan bastap, ómiriniń sońyna deiin, 50 jyldan asa ýaqyt jemisti eńbek etken. Qazaqkontserttiń negizin qalaýshylardyń biri, uiymnyń ánshisi bolyp qazaqtyń án ónerin damytýǵa ólsheýsiz zor úles qosty.
Bul qadam Roza Baǵlanova esiminiń ult jadynda, keleshek urpaqtyń esinde máńgi saqtalýyna jáne ýaqyt ótken saiyn qaita jańǵyryp otyrýyna eleýli úles qosady dep bilemiz", - dep jazdy qazaqconcert-paraqshasy.
Qazaqkontserttiń ataýy QR Úkimetiniń 17 tamyzdaǵy qaýlysyna sáikes aýysqan.
2022 jyly Roza Baǵlanovanyń týǵanyna 100 tolýyna orai Memleket basshysy Qasym-Jomart Toqaev uly ánshiniń esimin halyq jadynda máńgi saqtaý úshin sharalardy qabyldaýdy tapsyrǵany belgili.
Uiym basshysy Jeńis Seidýllauly málimdegendei, Qazaqkontsert ujymy úshin bul - ózekti tapsyrma.
- Qazaqkontsert tarapynan uiymǵa Roza Baǵlanovanyń esimin berý máselesin qarastyrý jóninde Mádeniet jáne sport ministri A.Raiymqulovanyń atyna hat joldanǵan bolatyn. Bul igi bastamany halyq ártisteri, Qazaqkontsert quramynda óner kórsetip júrgen elimizdiń eńbek sińirgen qairatkerleri, mádeniet úzdikteri men jas talanttar birden qoldady. Olardyń qatarynda: Bibigúl Tólegenova, Nurǵali Núsipjanov, Murat Qusaiynov, Aqjol Meiirbekov, Altynbek Qorazbaev, Roza Rymbaeva, Aiman Mýsahadjaeva, Naǵima Esqalieva, Maqpal Júnisova, Aijan Nurmaǵambetova, Baǵdat Samedinova, Jeńis Ysqaqova, Qurmash Mahan, Azamat Jyltyrkózov, Erlan Rysqali, Medet Chotabaev, Ámire t.b. oryndaýshylar bar. Atalǵan shara Roza Baǵlanova esiminiń ult jadynda, keleshek urpaqtyń esinde máńgi saqtalýyna jáne ýaqyt ótken saiyn qaita jańǵyryp otyrýyna eleýli úles qosady dep bilemiz, - dep jetkizdi Jeńis Seidýllauly.
Roza Baǵlanova 1922 jyly Qyzylorda oblysynda týǵan. 1941 jyly Qyzylorda pedagogikalyq institýtyn bitirgen.
