Petropavlda «Jańǵyryq» filminiń túsirilimi bastaldy.
Bul jaiynda Sháken Aimanov atyndaǵy «Qazaqfilm» kinostýdiiasy málimet taratty, dep habarlaidy QazAqparat.
«Jańǵyryq» - Satybaldy Narymbetovtiń burynnan kókeiinde jatqan jobalardyń biri. Film qazaq dalasyna jer aýdarǵan revoliýtsioner, qundy etnografiialyq jazbalar qaldyrǵan poliak jazýshysy Adolf Ianýshkevichtiń taǵdyry týraly baiandaidy. Kinotýyndyny rejisser Satybaldy Narymbetovtiń uly - Asqar-Muhit Narymbetov túsirip jatyr» delingen kinostýdiia taratqan habarlamada.
Ianýshkevichtiń qazaq dalasyndaǵy saiahaty Kenesary hannyń sońǵy shaiqasymen sáikes keledi desedi. Dál osy epizodty Satybaldy Narymbetov óz filminde túsirip úlgermegen eken.
Eske sala keteiik, jobanyń túsirilimi 2019 jyldyń aqpan aiynda bastalǵan bolatyn.
Qazirgi tańda túsirilim Petropavl qalasynda ótip jatyr.
Túsirilim toby bul jerde aidyń sońyna deiin túsirip, keiin túsirilimdi Almaty oblysynda jalǵastyrýdy josparlap otyr.
