Foto: Qazaqstan fýtbol federatsiiasy
Qazaqstan ulttyq quramasynyń bas bapkeri Stanislav Cherchesov qazaq tili týraly qaljyńyna qatysty alǵash ret pikir bildirdi, dep habarlaidy Ult.kz.
Ol reseilik "Sport-Ekspress" basylymyna bergen suhbatynda ol qaljyńdaǵanyn aitty.
«Árqashan kópshilik aldynda sóilegenimde ne aityp jatqanymdy bilemin. Eger meniń qaljyńymdy durys túsinbegen bolsa, onda meniń qateligim», — dedi Cherchesov.
Eske sala ketsek, Ulttar ligasynda Sloveniiamen ótken matchtan keiingi baspasóz konferentsiiasynda jýrnalist qazaq tilinde suraq qoiǵan bolatyn. Cherchesov onyń ústindegi Frantsiianyń PSJ klýbynyń jeidesin kórip: «Sen qai tilde sóilep tursyń — frantsýzsha ma?» dep qaljyńdaǵandai boldy, biraq suraǵyn jalǵastyrýǵa ruqsat etti.
Bul oqiǵa áleýmettik jelilerde keń taralyp, kópshilik ony qazaq tilin kemsitý retinde qabyldady. Osyǵan bailanysty, Qazaqstannyń Týrizm jáne sport ministrligi fýtbol federatsiiasynan túsinikteme talap etti.
Kóp uzamai Cherchesovke 200 AEK (738 400 teńge) kóleminde aiyppul salynǵany belgili boldy.
