Jambyl oblysynda oq-dári qoimalaryndaǵy jarylysta qaza tapqandardyń otbasylaryna qajetti kómek kórsetiledi, dep habarlaidy "Ult aqparat" Qorǵanys ministrligine silteme jasap.
Qorǵanys ministri Nurlan Ermekbaev Tótenshe jaǵdailar ministri Iýrii Ilin jáne Jambyl oblysynyń ákimi Berdibek Saparbaevpen birge qaza tapqandardyń otbasylaryna baryp, kóńil aitty jáne qajetti kómek kórsetiletinin jetkizdi.
«Qorǵanys vedomstvosy basshysynyń tapsyrmasy boiynsha Jambyl oblysyna qaza tapqandardyń otbasylaryn turǵyn úimen qamtamasyz etý jáne ótemaqy tóleý máselelerin sheshý maqsatynda Qorǵanys ministriniń orynbasary general-maior Muhamedjan Talasov keldi», delingen habarlamada.
Densaýlyq saqtaý ministrliginiń málimetine sáikes, barlyǵy 98 adam meditsinalyq kómekke júgingen. Olardyń 37-si aýrýhanaǵa jatqyzylyp, qalǵandary jaraqat pýnktterinde tiisti kómek alyp, úilerine jiberilgen.
Taraz qalasynyń statsionarlarynda em alyp jatqan zardap shegýshiniń beseýi reanimatsiiada, ekeýiniń jaǵdaiy aýyr.
Sondai-aq, Memleket basshysy Qasym-Jomart Toqaev 29 tamyzdy Jalpyulttyq aza tutý kúni dep jariialady.
