Qazaqstan estradasynyń ataqty ánshisi Qairat Nurtas elordada meditsinalyq qyzmetkerlerge sút ónimderin taratty. Sút ónimderi qaladaǵy úsh aýrýhanaǵa jetkizildi, dep habarlaidy "Ult aqparat" qala ákiminiń resmi saityna silteme jasap.
«Koronavirýs indeti dúniejúzin jaýlap aldy. Qiyn kezeńde barshamyzǵa judyryqtai jumylyp, bir-birimizge kómektesý mańyzdy. Osy eldiń azamaty retinde qiyn jaǵdaiǵa bei-jai qaramai, óz tarapymnan volonterlermen birge aýyr dertke shaldyqqan adamdardy emdeý qyzmetinde júrgen abzal jandarǵa qoldaý kórsetýdi jón kórdim. Olardyń jumysy aýyr ári qaýipti. Sabyrlyq pen densaýlyq tilei otyra, men qazaqstandyq meditsina qyzmetkerleriniń barlyǵyna adal eńbegi úshin alǵysymdy bildiremin. Biz birgemiz!» – dedi Q. Nurtas.
«Saýlyq» volonterler baǵytymen birlesip úsh emdeý ortalyǵyna azyq-túlik taratyldy. Atap aitqanda, ftiziopýlmonologiia ortalyǵyna, № 3 kópbeiindi qalalyq balalar emhanasy jáne karantindik statsionar ornalasqan «Ramada Plaza» qonaq úii keshenine jetkizildi.
Taiaýda ánshi Nur-Sultan qalasy shtabynyń volonterler qataryna qosylǵan bolatyn. Elordalyq jastar saiasaty máseleleri jónindegi basqarmanyń janyndaǵy qalalyq eriktiler shtaby halyqtyń áleýmettik jaǵynan osal toptaryna kómek kórsetýdi jalǵasytyryp jatyr.
