Órt sóndirý qyzmetiniń otstavkadaǵy general-maiory Serik Áýbákirov Jambyl oblysyndaǵy jarylystan qaza bolǵandarǵa arnalǵan jazba jariialady, - dep habarlaidy Tengrinews.kz.
Facebook jelisinde Serik Áýbákirov qaza bolǵandardyń týystary men jaqyndaryna kóńil aitty. Onyń aitýynsha, Tótenshe jaǵdailar ministrliginiń qaza tapqan qyzmetkeriniń bári kásibi boryshyn sońyna deiin oryndaǵan batyr atandy.
"Órt ornynan túsirilgen kadrlar júrekti aýyrtady! Áreket etý algoritmin saqtai otyryp, jumys avtomatizm deńgeiinde júrgenin kórýge bolady!
Óz tájiribemnen bilemin - basqasha bolýy múmkin emes! Áitpese, oilanyp qalasyń... áitpese qorqynysh jutyp áketedi... ýaqyt ta qysyp bara jatady... sony jiberip alsań, qaitymsyz protsester bastalady! Aldyn alýǵa úlgerý kerek!.. Jetistik árqashan bola bermeidi...
Istelgen nárse isteldi! Olar mamandyq tańdaǵanda qaida bara jatqanyn bildi! Órt sóndirýshilerdiń tehnikasy men quraldary tabandylyqtyń móri retinde ornynda saqtalyp qaldy", - dep jazdy Serik Áýbákirov.
Ol qaza bolǵandar ata-analary men balalarynyń máńgilik maqtanyshyna ainalǵanyn aitty.
Aita keteiik, búgin Memleket basshysy Qasym-Jomart Toqaev Jambyl oblysyndaǵy jarylystan keiin qaza tapqandardy marapattaǵan bolatyn. Qazaqstan Respýblikasyna sińirgen asa úzdik eńbegi, qyzmettik boryshyn atqarýda kórsetken erjúrektigi men janqiiarlyǵy úshin Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti bastyǵynyń orynbasary Meiirjan Qaqpasynuly Aimanovqa "Halyq qaharmany" ataǵy berilip, airyqsha erekshelik belgisi - Altyn juldyz ben "Otan" ordeni tapsyrylǵan (marqum).
Buǵan deiin Jambyl oblysyndaǵy jarylys kezinde qaza tapqandar sany 13-ke jetkeni habarlanǵan bolatyn.
