Indýstriia jáne infraqurylymdyq damý ministriniń buiryǵymen kommýnaldyq qyzmetterdi jetkizýshilerdiń shyǵyndaryn óteý qaǵidalary bekitildi. Bul týraly Ortalyq kommýnikatsiialar qyzmetinde ótken baspasóz konferentsiiasynda aityldy, dep habarlaidy "Ult aqparat".
«Prezident karantin engizilgen eldi meken turǵyndary úshin kommýnaldyq tólemderdi tómendetý máselesi boiynsha keshendi sheshim ázirleý jónindegi tapsyrmasyn oryndaý maqsatynda indýstriia jáne infraqurylymdyq damý ministriniń buiryǵymen kommýnaldyq qyzmetterdi jetkizýshilerdiń shyǵyndaryn óteý qaǵidalary bekitildi. Mynadai sanattarǵa kómek kórsetiledi: I jáne II top múgedekteri, múgedek bala tárbielep otyrǵan otbasylar, kópbalaly otbasylar, Uly Otan soǵysy qatysýshylary jáne olarǵa teńestirilgen adamdar, qyzmetin atqarý kezinde qaza tapqan adamdardyń otbasy, eń tómengi zeinetaqy alatyn zeinetkerler jáne ataýly áleýmettik kómek alatyn azamattar. Shyǵyndardy óteý boiynsha aitar bolsaq, sáýir jáne mamyr ailaryna ár aiǵa 15 myń teńgeden tólenedi. Tólemder tek ákimdikke berilgen ótinish negizinde júzege asyrylady», - deidi qurylys jəne turǵyn úi-kommýnaldyq sharýashylyq isteri komiteti tóraǵasynyń orynbasary Beibit Shahanov.
Onyń aitýynsha, joǵarydaǵy topqa jatatyn azamattar aqparattyq júie nemese saII-ortalyq arqyly ótinim berýi kerek.
«JSN, áleýmettik mártebe jáne jeke esepshotty aýyzsha aitsańyz jetkilikti. Bizge óz betimen ótinim berý qiynǵa soǵatynyn aityp habarlasatyndar bar. Mundai jaǵdaida onyń atynan ótinimdi jaqyndary bere alady. Sol adamnyń jaqyny ekenin dáleldeitin qujat talap etilmeidi. Ótinimdi qabyldaǵan ákimder málimetterdi tekseredi. Maquldanǵan jaǵdaida esepshotqa ai saiyn 15 myń teńge túsedi. Ákimdik ótinimderdi qabyldai bastady. 15 myń teńge alýǵa bolatyny rastalǵan adamdar eki ai úshin 30 myń alady», - deidi ol.
