Qazaqstanda statsionarlyq kózderden atmosferalyq aýaǵa shyǵarylatyn lastaýshy zattar qaldyqtarynyń kólemi 2020 jyly 2,4 mln tonnany qurady. Bul - 2019 jylmen salystyrǵanda 1,7 paiyz az, dep habarlaidy "Ult aqparat".
Qaldyqtar kólemi sońǵy bes jylda birinshi ret azaiǵan. Buǵan deiin kórsetkish 2015 jyly 3,4 paiyzǵa azaiǵan bolatyn.
100-den astam eldegi aýa sapasyn salystyrǵan IQAir zertteýine sáikes, 2020 jyly 2019 jylmen salystyrǵanda, sapa elderdiń 84 paiyzynda jaqsarǵan. Alaida 2021 jyly lastaýshy zattar deńgeii qaita artýy ábden múmkin.
2020 jyly tazartý qurylystary qaldyqtar kóleminiń 93,1% aýlap, ziiansyzdandyrdy. Al 2019 jyly bul kórsetkish 93,2% boldy.
Negizgi lastaýshy zattar:
• kúkirtti angidrid — 868,1 myń tonna (jylyna − 2%);
• kómirsýtek totyǵy — 486,5 myń tonna (jylyna − 0,3%);
• azot totyǵy — 311,4 myń tonna (jylyna − 0,8%).
Qalǵan lastaýshy zattar 775 myń tonna (jylyna − 2,6%).
Qazaqstan óńirleri arasynda atmosferalyq aýaǵa túsken ziiandy zattardyń jartysynan kóbi Pavlodar oblysy (723 myń tonna) men Qaraǵandy oblysyna (627,7 myń tonna) tiesili.
Aýada lastaýshy qaldyqtardyń aitarlyqtai kólemi sondai-aq Atyraý oblysy (154 myń tonna), Aqtóbe oblysy (135,1 myń tonna), Shyǵys Qazaqstan oblysy (127,2 myń tonna) jáne Qostanai oblysynda (123,4 myń tonna) tirkelgen.
