QR Bas sanitar dárigeri Erlan Qisiaovtyń 3 qyrkúiektegi qaýlysy boiynsha QazCovid-in vaktsinasyn egý jáne saqtaý tártibi bekitildi, dep habarlaidy QazAqparat.
«QazCovid-in vaktsinasyn shyǵarý nysany: 0,5 ml (bir doza), 1,0 ml (eki doza), 1,5 ml (úsh doza), 2,5 ml (bes doza), syiymdylyǵy 3 ml, rezeńke tyǵynmen tyǵyndalǵan jáne Flip-off tipti plastikalyq qaqpaǵy bar metall qalpaqpen oralǵan, Ι synyptaǵy tússiz shynydan jasalǵan qutyda bolady», - dep jazylǵan qujatta.
Sondai-aq, vaktsina qutysy kelýshilerdiń sany ishindegi doza sanyna sáikes rettelip ashylatyny aitylǵan. Bir ret inemen tesilgen qutydaǵy artylǵan vaktsinany tiisti temperatýrada 4 saǵat boiy saqtaýǵa bolatyny kórsetilgen.
«Inemen tesilgen ornyn spirtpen óńdep, vaktsina dozasyn alǵannan keiin ishinde vaktsinasy bar ashylǵan qutyny birden qutyda ashylǵan ýaqytyn kórsete otyryp, temperatýrasy pliýs 2-den pliýs 8ºS-qa deiingi tońazytqyshqa ornalastyrady. Bul rette vaktsinanyń ashylǵan qutysyn 4 saǵatqa deiin saqtaýǵa jol beriledi», - dep jazylǵan qaýlyda.
Qujattyń mátinimen myna siltemeden tanysýǵa bolady.
