Qazirgi ýaqytta 9 myńnan astam kásiporyn jáne 230 myńnan astam qaýipti óndiristik nysan qadaǵalaýǵa jatady. Bul týraly Májilistegi azamattyq qorǵaý júiesine qatysty Úkimet saǵatynda Tótenshe jaǵdailar ministri Iýrii Ilin málim etti, dep habarlaidy QazAqparat.
«Ónerkásiptik qaýipsizdik salasyndaǵy memlekettik qadaǵalaý júiesi azamattardyń jáne qorshaǵan ortanyń qaýipsizdigine qater tóndiretin taý-ken, metallýrgiia, munai-gaz óndirý, munai-himiia, himiia jáne ónerkásiptiń basqa da salalaryndaǵy tehnogendik avariialardyń aldyn alýǵa baǵyttalǵan. Qazirgi ýaqytta 9 myńnan astam kásiporyn (9 157) jáne 230 myńnan astam qaýipti óndiristik nysan qadaǵalaýǵa jatady», - dedi Iu. Ilin.
Onyń aitýynsha, óndiriste tehnogendik avariialardyń týyndaý qaýpi burynǵysynsha joǵary deńgeide qalyp otyr. Biyldyń basynan bastap qaýipti óndiristik obektilerde 19 avariia jáne 1 355 oqys oqiǵa tirkeldi, nátijesinde 18 (adam zardap shekti, onyń ishinde 9 adam qaza tapty.
Avariialardyń negizgi sebepteri: ónerkásiptik qaýipsizdik talaptaryn buzý, paidalanylatyn jabdyqtyń tozýy, qyzmetkerlerdiń óndiristik jáne eńbek tártibiniń tómendigi.
«Qaýipti óndiristik obektilerde avariialardyń týyndaýynyń aldyn alýdyń negizgi is-sharalarynyń biri inspektorlardyń ónerkásiptik qaýipsizdik talaptaryn buzýshylyqtardy ýaqtyly anyqtaýy bolyp otyr. 9 aidyń qorytyndysy boiynsha erekshe tártip boiynsha 826 jáne 526 jospardan tys tekserý júrgizildi. Inspektorlar 24 933 obektini tekserdi, ónerkásiptik qaýipsizdik talaptaryn buzýdyń 23 333 jaǵdaiy anyqtaldy, 130 million teńgeden astam somaǵa 983 ákimshilik aiyppul salyndy. Adamdardyń ómiri men densaýlyǵyna qaýip tóndiretin ónerkásiptik qaýipsizdik talaptaryn óreskel buzǵany úshin inspektorlar 361 obektini jáne 4 sýbektini toqtatty. Bir inspektorǵa júkteme 603 nysandy quraidy, inspektorlardyń jalpy sany barlyǵy 381-ge jetti», -dedi vedomstvo basshysy.
