Almaty ákimi Baqytjan Saǵyntaev jergilikti turǵyndarmen kezdesti. Qala basshysy sý deńgeii tómendegenin málimdedi, - dep habarlaidy "Ult aqparat".
«Joǵary jaqtan kele jatyrmyn. Tań atqaly sol jaqta júrmiz. Tiisti sharalar qabyldandy. Qorqatyn eshteńe joq. Qudai saqtasyn. Jazdai jumystar atqaryldy. Kóldiń basynda ekskavatorlar jumys istedi. Olar jazdai jerdi qazyp sýdy jiberip otyrǵan. 77 myń tekshe metr sýdy 26 myń tekshe metrge deiin túsirgen. Sonyń arqasynda qazir sý az keldi. Endi, qazir joǵary jaqtan habar berip jatyr, kólden aqqan sý toqtady. Óziniń qarqynymen aǵyp keledi. Myna bógetke deiin 22 shaqyrym, sý ózen arnasymen aǵady dep oilaimyz. Eshqandai qaýip joq. Sýmen eshqandai tas aǵyp kele jatqan joq. Jái aǵyndy lai sý kelip jatyr. Sýdyń kólemi qalypty jaǵdaida. Qazir mamandar tikushaqpen joǵary jaqtan taǵy da kórip shyǵady. Turǵyndar úshin aýyz sý máselesi de sheshiledi. Qaladan tasymaldaityn bolady. Almaty sý mekemesiniń basshysy da osynda. Qazir 30 sý tasityn kólik belgilendi. Sý qubyrlary jóndeledi. Naýryzbai aýdanynyń halqymen kezdesýge bara jatyrmyn. Sol kisilerge ózim baryp mán-jaidy túsindiremin. Qajet bolsa osynda qaityp kelemin. Qarqyndy sý eki saǵatta básendeidi», - dedi Baqytjan Saǵyntaev.
Osydan keiin qala basshysy Almaty qalasyna attanyp, №176 mektep-gimnaziiasynyń ǵimaratynda josparlanǵan turǵyndarymen kezdesýge ketti. Baqytjan Saǵyntaev qazir mamandar seldiń qaýip-qaterin joiý boiynsha jumystar júrgizip jatqanyn atap ótti.
"Tańerteń adamdar jazyp jatty, alańdap qaldy. Olar qaida barý jáne ne isteý kerektigin suraidy. Eriktiler de óz kómegin kórsetýge daiyn. Tańerteń ishki ister ministrimen bailanystym. Eger bir nárse bolsa, adamdardy kóshirý kerek. Eger ózen deńgeii kóterilse, tez tazalaý kerek. Bizdiń barlyq qyzmetimiz, Ulttyq ulan jáne basqalary tolyq daiyn. Biraq bulai bolmaidy dep oilaimyn", - dedi Almaty ákimi.
