QR Premer-ministriniń orynbasary Jeńis Qasymbekov jumys saparymen Aqmola oblysynda bolyp, Atbasar jáne Astrahan aýdandary aýmaǵynan aǵyp ótetin Esil, Qalqutan jáne Jabai ózderiniń sý tasqynyna qaterli aýmaqtaryn tekserdi, dep habarlaidy "Ult aqparat" oblystyq ákimniń baspasóz qyzmetine silteme jasap.
Aimaq basshysy Ermek Marjyqpaev atap ótkendei, aýa raiy boljamdaryna sáikes naýryzdyń 18-nen bastap oblystyq azamattyq qorǵanys júiesi joǵary daiyndyq rejimine kóshti.
Sý tasqynynyń qateri Astrahan, Atbasar, Arshaly, Sandyqtaý jáne Tselinograd aýdandarynda saqtalady.
Barlyq óńirlerde shtab qurylyp, táýlik boiy jaǵdaidy baqylaýda ustaýda jáne monitoring júrgizýde. Sondai-aq, qajetti kúshter men qarajat daiyndaldy.
«Budan bólek, úkimettik top músheleri Atbasar qalasyndaǵy sý tasqynyna qaýipti aýmaqta ornalasqan №1 orta mektepte, 2017 jyly sý tasqynynan zardap shekkenderge arnalyp jańa turǵyn úiler salynǵan shaǵynaýdanda boldy.
Qazirgi kezde qaýipti aýmaqta 419 turǵyn úi ornalasqan. Aldaǵy jyldary sý tasqynyń qaýipin boldyrmaý maqsatynda qosymsha taǵy 12 turǵyn úi salý josparda bar», - deidi Aqmola oblysy ákiminiń baspasóz qyzmetindegiler.
