Ár adam óziniń týystary men jaqyn adamdarynyń densaýlyǵyna muqiiat bolýy kerek. Bul týraly «BIZ BIRGEMIZ» onlain forýmda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Osyndai kúrdeli kezeńde barsha jurt jaýapkershilik tanytýdyń qanshalyqty mańyzdy ekenin túsindi dep oilamyn. Ár adam óziniń týystary men jaqyn adamdarynyń densaýlyǵyna muqiiat bolýy kerek. Bul qazirgi zamannyń talaby», - dedi Qasym-Jomart Toqaev.
Memleket basshysy indetti jeńý árbir azamattyń óz qolynda ekenin basa aitty.
«Bul eń aldymen qarapaiym qaǵidany ustanýdan bastalady. Betperde taǵyp júrý, tazalyq saqtaý jáne áleýmettik qashyqtyq ustaný óte mańyzdy. Óitkeni, bul sizdiń jáne ózge adamdardyń densaýly úshin asa qajet. Taǵy da qaitalap aitamyn, «saq júrseń saý júresiń«, «saqtyqta qorlyq joq«. Sondyqtan azamattardy qorǵaý úshin biz barlyq qajetti sharalardy jedel túrde qolǵa aldyq jáne osy jumysty ary qarai jalǵastyra beremiz», - dedi QR Prezidenti.
