Qazaqstan halqy Assambleiasynyń keńeitilgen otyrysynda Memleket basshysy Qasym-Jomart Toqaev el tarihy boiynsha Tik-Tok joba týraly usynysty qoldaitynyn aitty, dep habarlaidy QazAqparat.
Qazaqstan halqy Assambleiasynyń keńeitilgen otyrysynda Aqmola oblysy poliaktar qoǵamdyq birlestiginiń tóraǵasy Natalia Nagachevskaia patriottyq TikTok joba jasaýdy usyndy.
«Siz balalardy, ónerge, mádenietke tartýǵa qatysty óte qyzyq usynys aittyńyz. Men bul usynysty qoldaimyn ján oblys ákimderin de úndeimin. Shynymen de balalardyń halyq teatrlaryn ashqan siiaqty mundai jumysty bastap kóreiik. Balalarymyzdyń arasynda talanttylar óte kóp. Kúni keshe ǵana Jezqazǵanda boldym jáne balalardyń ónerdiń san túrimen, onyń ishinde dombyramen ainalysatynyn kórdim. Bul - qýantarlyq jait. Degenmen biz mundai balalarǵa qoldaý kórsetýimiz qajet. Al olardyń sany óte kóp», - dedi Qasym-Jomart Toqaev.
Qasym-Jomart Toqaev el tarihy boiynsha Tik-Tok joba qurý týraly usynysqa qoldaý bildirdi
«Sizdiń ólkemizdiń tarihy boiynsha Tik-Tok joba qurýǵa qatysty usynysyńyzdy qoldaimyn. Shyndyǵynda bul - óte jaqsy joba. Qazir jastar negizinen Instagram men Tik-Tok-ta otyrady. Bul - bizdiń ómirimizdiń shyndyǵy», - dedi Memleket basshysy.
