Qasym-Jomart Toqaev «Aibat» JShS-niń egistik alqaptaryn aralap kórdi, dep habarlaidy "Ult aqparat" Aqordaǵa silteme jasap.
Aqmola oblysyna kelgennen keiin Memleket basshysy egistik alqabyn aralap, «Aibat» JShS-niń egin jinaý naýqanynyń barysymen tanysty.
Qazaqstan Prezidentine oblystyń áleýmettik-ekonomikalyq damýynyń negizgi kórsetkishteri men agroónerkásip kesheniniń keleshegi týraly málimet berildi. Sondai-aq Qasym-Jomart Toqaevqa dándi jáne maily daqyldardyń jańa sorttary kórsetildi.
Memleket basshysy mehanizatorlarmen áńgimeleskende aýyl sharýashylyǵy alqaptaryn tiimdi paidalanýdyń mańyzdylyǵyn atap ótip, memleket tarapynan agroónerkásip keshenin órkendetýge basa mán berilip otyrǵanyn aitty.
– Memleketimiz úshin sizderdiń eńbekterińizdiń máni zor. Úkimet fermerlerge jan-jaqty qoldaý kórsetedi, aýyldyń ómir súrý sapasyn arttyrý jóninde sharalar qabyldaityn bolady, – dedi Prezident.
Kezdesý sońynda Qasym-Jomart Toqaev diqandarǵa aýa raiynyń jaqsy jáne ónimniń mol bolýyn tiledi.
