Kaspii teńiziniń qazaqstandyq bóliginen munai qaldyqtary anyqtaldy. Mańǵystaýdaǵy Baýtino aýylynyń jaǵalaýynda 2 sharshy metr aýmaq lastanǵan, dep xabarlaidy QazAqparat tilshisi.
Oblystyq ekologiia departamentiniń mamandary ol jerdi qorshaýǵa alyp, munaidyń odan ári jaiylýyna bóget jasady. Jaǵalaýda júrgen turǵyndar bul jaǵdaidy túsirip alyp, áleýmettik jelige júktegen. Qazir ekologiia departamentiniń mamandary aýmaqtyń kimge tiesili ekenin jáne qandai ekologiialyq zardaby bar ekenin tekserýdi bastap ketti.
«Jaǵadaǵy batyp ketken kemeni kóterý kezinde az ǵana munai ónimderi teńizge tógilgeni týraly habarlama tústi. Sondyqtan ekologiialyq baqylaý memlekettik inspektorlary men laboratoriia mamandary birlesip, atalǵan oqiǵa ornyna baryp qaitty. Tiisti synamalar alyndy. Kináli tulǵalardy anyqtap jatyrmyz. Soǵan sáikes jospardan tys tekseris júrgizý kózdelip otyr», - deidi Mańǵystaý oblystyq ekologiia departamenti basshysynyń orynbasary Rýslan Tókenov.
