Kaspi.kz sýperqosymshasynda endi «Azamattyń áskeri qyzmetke qatynasy týraly málimetter» anyqtamasyn alýǵa bolady.
Qujat oqýǵa túskende, jumysqa ornalasqanda, zeinetaqy men járdemaqylardy resimdegen kezde, sondai-aq basqa da jaǵdailarda qajet bolýy múmkin.
Mihail Lomtadze, Kaspi.kz basshysy ári negizin qalaýshylardyń biri:
«Biz klientterimizdiń kúndelikti mindetterin jeńildetýge tyrysamyz. Qajetti qujatty mobildi qosymshadan alý múmkindigi ýaqytty únemdep, artyq áreketten aryltady. Qorǵanys ministrligine birlesip jasaǵan jumysy úshin jáne súiikti klientterimizge servisterimizdi kún saiyn paidalanǵany úshin raqmet aitamyz!»
Qazaqstan Respýblikasynyń Qorǵanys ministrligi mobildi qosymsha arqyly anyqtama alý múmkindigi tsifrlyq memlekettik qyzmetterdi damytýdaǵy taǵy bir qadam bolǵanyn atap ótti.
Asqar Mustabekov, Qazaqstan Respýblikasy Qorǵanys ministriniń orynbasary:
«Kaspi.kz mobildi qosymshasy arqyly «Azamattyń áskeri qyzmetke qatynasy týraly málimetter» anyqtamasyn alý múmkindigi – bul baǵyttaǵy taǵy bir qadam. Bizdiń mindetimiz – azamattardyń qajetti memlekettik qyzmetterge jyldam, qaýipsiz ári yńǵaily qol jetkizýin qamtamasyz etý».
Qazaqstannyń azamattary áskeri esep týraly anyqtamany 17 jastan bastap ala alady. Servis týraly tolyǵyraq Kaspi Gid-ten oqyńyz.
