Almatyda kásipker Almas Ábdiǵapparov sottaldy, - dep habarlaidy Tengrinews.kz agenttigi.
Medeý aýdany №2 aýdandyq sotynyń baspasóz qyzmeti ókili Parmigiano Group iesi Almas Ábdiǵapparovqa úkim shyqqanyn rastady. Sot úkimimen Ábdiǵapparov ózine senip tapsyrylǵan asa iri mólsherdegi múlikti jymqyrǵany úshin kináli dep tanylyp, oǵan bes jyl merzimge qarjy uiymdarynda basshylyq laýazymdardy atqarý quqyǵynan aiyra otyryp, jeti jyl bas bostandyǵynan aiyrý jazasy taǵaiyndaldy.
"Sot 2021 jylǵy naýryzda A.Ábdiǵapparovty Esentai City turǵyn úi kesheninde ornalasqan páterler men turǵyn úilerdi (villalardy) salý, satýmen ainalysatyn AV-Construction JShS direktorynyń kommertsiialyq máseleler jónindegi orynbasary bola tura ári seriktestiktiń materialdyq jaýapty jáne ýákiletti tulǵasy retinde klientpen Esentai City turǵyn úi kesheninde ornalasqan jer ýchaskesi bar turǵyn úi (villa) túrindegi jyljymaityn múlikti satyp alý úshin aldyn ala satý-satyp alý shartyn jasaǵan.
Odan ári osy kelisim boiynsha satyp alýshynyń ókili Ábdiǵapparovqa turǵyn úi (villa) satyp alý úshin eki million dollar kólemindegi somanyń bir bóligin aýdarǵan. Al ol bir million dollaryn ǵana kompaniia basshylyǵyna aýdaryp, aqshanyń qalǵan bóligin zańsyz iemdengen", - dedi sottyń baspasóz qyzmeti ókili.
