Búgin Astanada Eýropadaǵy qaýipsizdik jáne yntymaqtastyq uiymynyń Demokratiialyq institýttar jáne adam quqyqtary jónindegi biýrosynyń sailaýdy baqylaý jónindegi halyqaralyq missiiasynyń baspasóz konferentsiiasy ótti. Shara barysynda halyqaralyq baiqaýshylar Qazaqstandaǵy sailaýdy uiymdastyrýdyń birqatar baǵytyna joǵary baǵa berdi.
EQYU-nyń DIAQB baqylaýshylar sailaýǵa tehnikalyq daiyndyqtyń kásibi ári ýaqytyly júrgizilgenin, komissiia músheleriniń daiarlyǵyn, azamattarǵa qajetti málimettiń keńinen taratylǵanyn jáne múmkindigi shekteýli sailaýshylardyń daýys berýine jasalǵan múmkindikterdi oń baǵalady.
Sondai-aq, missiia materialdarynda Ortalyq sailaý komissiiasynyń sailaýǵa tehnikalyq daiyndyqty zańda belgilengen merzimde júrgizgeni alǵa tartyldy.
Sonymen qatar, baiqaýshylar kadrlardy daiarlaý máselesine de erekshe nazar aýdardy.
DIAQB baiqaýshylary ózderi qatysqan is-sharalar aiasynda sailaý komissiialary múshelerin oqytýdyń jalpyulttyq kaskadty baǵdarlamasyna oń baǵalady.
Missiia ókilderiniń aitýynsha, OSK sailaýshylardy keń aýqymdy aqparattandyrý naýqanyn júrgizip, sailaý ýchaskeleriniń qoljetimdi bolýyn qamtamasyz etýge jáne múgedektigi bar adamdardyń sailaýǵa qatysýyna járdemdesýge aitarlyqtai kúsh-jiger jumsaǵan.
OSK jumysynyń ashyqtyǵy da oń baǵalandy. Komissiia otyrystary turaqty túrde ótkizilip, qazaq jáne orys tilderinde tikelei efirde kórsetilip otyrdy. Sonymen birge, qazaq jáne orys tilderine ilespe sýrdo aýdarma qamtamasyz etilip, qabyldanǵan sheshimder OSK saitynda ýaqytyly jariialanyp otyrdy.
Sondai-aq, olar sailaý kúni birqalypty ári uiymdasqan túrde ótkenin atap ótti. Jalpy alǵanda, halyqaralyq missiia baiqaýshylary kóbine sailaý ýchaskeleriniń ashylýy men daýys berý barysyn oń baǵalaǵan.
Mundai joǵary baǵanyń berilýi sailaý barysynyń tehnikalyq turǵydan júieli jolǵa qoiylǵanyn kórsetedi: komissiia múshelerin daiarlaý men sheshimderdiń jariialylyǵynan bastap, azamattardy aqparattandyrýǵa jáne daýys berýge qoljetimdi ortany qalyptastyrýǵa deiingi barlyq baǵyt qamtylǵan.
Sóz sońynda EQYU-nyń DIAQB missiiasynyń ókilderi sailaýdyń kásibi túrde uiymdastyrylǵanyn jáne zańda belgilengen merzimderdiń qatań saqtalǵanyn taǵy da bir márte eske saldy.
