Oralda kiberqylmysqa qarsy is-qimyl basqarmasynyń qyzmetkerleri dropperler jelisin uiymdastyrdy degen kúdikpen er adamdy ustady. Ol belgili bir turǵylyqty jeri joq adamdardy taýyp, bank kartalaryn ashqany úshin aqsha tólegen, dep habarlaidy ult.kz.
Polisia.kz málimetinshe, kúdikti áleýmettik jaǵdaiy tómen azamattardy izdep, olarǵa bank shottary men kartalaryn rásimdegeni úshin syiaqy usynǵan. Bankten verifikatsiiadan ótkennen keiin azamattar ózderiniń banktik derekterine qoljetimdilikti kúdiktige bergen.
Politsiia júrgizgen jedel is-sharalar barysynda shamamen 40 dropper anyqtaldy. Tergeý málimetine sáikes, olardyń bank shottary men kartalary internet-alaiaqtyq arqyly azamattardan urlanǵan qarajatty aýdarý úshin paidalanylǵan.
Tintý kezinde kúdiktiden 732 myń teńge, 14 uialy telefon, SIM-kartalar men bank kartalary tárkilendi.
Er adamǵa qatysty qylmystyq is qozǵalyp, sot ony qamaýǵa alý týraly sanktsiia bergen. Qazir tergeý jalǵasyp jatyr. Politsiia qylmystyq shemanyń basqa epizodtary men oǵan qatysy bolýy múmkin tulǵalardy anyqtap jatyr.
