Qaraǵandy oblysy Qarqaraly aýdanynda Alash arystary Álihan Bókeihan, Ahmet Baitursynuly men Álimhan Ermekovke eskertkish ornatyldy, dep habarlaidy "Ult aqparat".
Eńseli eskertkish jergilikti sýretshi Sáken Dáýletbaev, músinshiler Talǵat Baiorazov pen Kenjebek Qoshantaevtyń avtorlyǵymen turǵyzyldy. Músinniń biiktigi - 3,15 metr, salmaǵy - 2 tonna.
Táýelsizdik jolynda saiasi oqiǵalardyń besigi bolǵan qasietti Qarqaralydaǵy qýanyshty áleýmettik jeli qoldanýshylary súiinshilep bólisip jatyr.
«Búgin Qarqaraly qalasynda «Alash arystary» eskertkishi ashylǵan eken. Álihan Bókeihan, Ahmet Baitursynuly, Álimhan Ermekuly atalarymyzdyń qurmetine. Qutty bolsyn! Shirkin-ai, Jetisýdyń qaq ortasynda Barlybek Syrttanuly, Muhamedjan Tynyshbaiuly, Sadyq Amanjoluly, Ybyraiym Jainaquly, Bilál Súleiuly, Bazarbai Mámetuly syndy jetisýlyq Alash arystaryna osyndai eńseli eskertkish qoiylsa, jaqsy bolar edi», - dep jazady Alash taqyrybyn zerttep júrgen jas Eldos Toqtarbai.
