Astanada jańa týǵan náresteniń máiitiniń tabylýyna bailanysty 29 jastaǵy áiel ustaldy. Bul týraly quqyq qorǵaý organdary málimdedi, dep habarlaidy ult.kz.
Aldyn ala málimet boiynsha, kúdikti áiel qonaqúilerdiń birinde bosanyp, jańa týǵan sábidi káriz júiesine tastaǵan bolýy múmkin.
Politsiianyń habarlaýynsha, atalǵan derek boiynsha sotqa deiingi tergep-tekserý bastaldy.
– Náresteniń máiiti tabylýyna bailanysty sotqa deiingi tergeý júrgizilýde. Qazirgi ýaqytta oqiǵanyń barlyq mán-jaiy anyqtalyp jatyr. Ustalǵan 29 jastaǵy áielden jaýap alynýda, – dep habarlady quqyq qorǵaý organdary.
Eske salaiyq, jantúrshigerlik oqiǵa elordadaǵy turǵyn úi keshenderiniń birinde anyqtalǵan bolatyn. Turǵyndar káriz júiesinen jańa týǵan náresteniń máiitin taýyp, onyń kórshi ornalasqan qonaqúiden káriz qubyrlary arqyly aǵyp kelgen bolýy múmkin ekenin aitqan.
Qazirgi ýaqytta tergeýshiler oqiǵanyń barlyq mán-jaiyn anyqtap jatyr. Tergeý aiaqtalǵanǵa deiin kúdiktiniń kinási zańda belgilengen tártippen dáleldenýge tiis.
