Foto: myseldon
Ulttyq qaýipsizdik komiteti basshysynyń burynǵy orynbasarlary ustaldy, - dep habarlaidy UQK baspasóz qyzmeti.
Ulttyq qaýipsizdik komiteti málimetinshe, burynǵy tóraǵa Kárim Másimovke qatysty memleketke opasyzdyq jasaý deregi boiynsha sotqa deiingi tergeý jalǵasyp jatyr.
Osy istiń sheńberinde bilikti kúshpen basyp alýǵa jáne laýazymdyq ókilettikterin asyra paidalanýǵa baǵyttalǵan is-áreketter deregine qatysty qosymsha sotaldy tergep-tekserý jumystary bastalǵan.
"Atalǵan qylmystardy jasady degen kúdikpen Kárim Másimovten basqa UQK tóraǵasynyń burynǵy orynbasary - "A" arnaiy maqsattaǵy qyzmet bastyǵy Ánýar Sadyqulov pen UQK tóraǵasynyń burynǵy orynbasary Dáýlet Erǵojin ustaldy", - delingen habarlamada.
Vedomstvo ókilderi tergeý jalǵasatynyn málimdedi.
Eske salaiyq, osyǵan deiin UQK burynǵy basshysy Kárim Másimov memleketke opasyzdyq jasady degen aiyppen 2 aiǵa qamaýǵa alynǵanyn habarlaǵan bolatynbyz. Ol 6 qańtarda ýaqytsha ustaý izoliatoryna qamaldy.
