Nur-Sultan qalasy Esil aýdandyq sanitarlyq-epidemiologiialyq basqarmasy Dilu PLAZA meiramhanasynda karatinge qaramai toi ótkizgenderge qandai shara qoldanylǵanyn málim etti, dep habarlaidy "Ult aqparat".
«13 tamyzda Nur-Sultan qalasy Esil aýdandyq politsiia basqarmasynan Dilu PLAZA meiramhanasynda 9 tamyz kúni úilený toiy bolǵany jáne ony Islam Jańabylov pen Erbolat Jańabylov uiymdastyrǵany týraly materialdar kelip tústi. Islam Jańabylov atalǵan otbasylyq is-sharany uiymdastyrýshy retinde kinásin moiyndap, Ákimshilik quqyq buzý týraly kodekstiń 425-baby 1-bóligi boiynsha 87 510 teńge (30 AEK) aiyppul tóleitin boldy. Al Erbolat Jańabylov toidy uiymdastyrmaǵanyn, tek qonaq retinde qatysqanyn málim etti. Qoǵamdyq orynda betperdesiz júrgeni úshin Erbolat Jańabylov ta 87 510 teńge aiyppul arqalady», - dep jazylǵan basqarmanyń baspasóz qyzmeti taratqan aqparatta.
Quzyrly organ Jańabylovtardyń kinásin moiyndaǵanyn eskerip, 7 táýlik ishinde salynǵan aiyppuldyń teń jartysyn, iaǵni 43 755 teńgeden tóleýge múmkindik berdi.
Al osy toidyń ótýine jol bergen Dilu PLAZA meiramhanasynyń iesine qatysty kelip túsken materialdar Esil aýdanynyń sanitarlyq-epidemiologiialyq baqylaý basqarmasynyń qaraýynda jatyr.
