QR Mádeniet jáne sport ministrliginiń «Karantindegi juldyz» jobasy aiasynda erteń, 29 sáýirde ánshi Batyrhan Shúkenovti eske alý kontserti ótedi.
«Onlain kontsert barysynda qazaq estradasynyń belgili ártisteri Roza Rymbaeva, Saǵynai Abdýllin, Nadjib Vildanov, Renat Gaisin, Janar Duǵalova, Rústem Nurjigit, Dinaia, Áli Oqapov, Syrymtai Eńsepov tikelei efirde Batyrhan Shúkenovtiń repertýaryndaǵy ánderdi oryndaidy», - dep atap ótedi Mádeniet ministrliginiń baspasóz qyzmetinen.
Esterińizge sala ketsek, 23 naýryzdan bastap ministrliktiń bastamasymen Qazaqkontsert pen Qazaqtelekom uiymdary birlesip, Live formatyndaǵy «Karantindegi juldyz» atty jańa jobany bastady. Onyń aiasynda tanymal qazaqstandyq óner juldyzdary men Qazaqkontserttiń ártisteri jandy daýysta jáne onlain formatta óner kórsetedi. Ónersúier qaýymǵa ártúrli baǵyttaǵy – folklorlyq, estradalyq, klassikalyq jáne ult aspaptyq oryndaýda kontsertter usynylady.
Jobanyń basty artyqshylyǵy – kórermen qaýym súiikti ánshileriniń ónerin úidegi jaily atmosferada tamashalai alady.
Osy kúnderi Roza Rymbaeva, Sáken Maiǵaziev, Medeý, Jeńis Seidýllauly, Jubanysh Jeksenuly, Ǵadilbek Jańai, Bekbolat Tileýhan, Qurmash Mahanov pen Ámire, Tolqyn Zabirova, Ardaq Balajanova men Klara Tólenbaeva syndy belgili ánshiler ózderiniń onlain kontsertterin berip úlgerdi.
