QR Eńbek jáne halyqty áleýmettik qorǵaý ministri Birjan Nurymbetov karantin saldarynan qai óńir turǵyndary tabysyn kóp joǵaltqanyn aitty, dep habarlaidy QazAqparat.
«Muny jumyspen qamtý organdaryna tirkelgen tulǵalar sanyna bailanysty qadaǵalap otyrýǵa bolady. Atalǵan organdardyń deregine sáikes, jumyssyz retinde tirkelgenderdiń paiyzdyq úlesi Túrkistan men Almaty oblysynda joǵary bolyp tur», - dedi ministr Ortalyq kommýnikatsiialar qyzmetindegi brifing barysynda.
Degenmen, onyń atap ótýinshe, karantin saldarynan iri qalalardyń turǵyndary arasynda kirisinen aiyrylǵandardyń sany óte kóp.
«Karantin shekteýlerine, indetke bailanysty jumysynan aiyrylǵan adamdardy baǵalaý turǵysynan alar bolsa, onda saýda jáne qyzmet kórsetý salasynda jumys isteitin adamdardyń kópshiligi tabyssyz, jumyssyz qaldy. Al olardyń basym bóligi Almaty, Nur-Sultan jáne Shymkent qalalarynda tirkelgen», - dedi Birjan Nurymbetov.
