Almatyda karantin rejimi kezinde Kókjailaý shatqalyndaǵy saýyq keshine barǵan tulǵalar anyqtaldy, dep habarlaidy "Ult aqparat".
«Birneshe kún buryn Kókjailaý shatqalynda bir top adam kino kórip, kontsert uiymdastyryp, kóńil kótergen. Olardyń kim ekendigi anyqtaldy. Olardyń barlyǵy ákimshilik jazaǵa tartyldy. Qazir qylmystyq jaza qarastyrý máselesi qoiylyp otyr. Qazir bul territoriia Almaty ákimdiginiń qaraýyna berilgenin bilesizder. Jer ýchaskesiniń taǵdyryna bailanysty ákimdik pen ministrlik talqylaý júrgizip jatyr», - dedi Almaty ákiminiń birinshi orynbasary ERlan Qojaǵapanov.
Aita ketý kerek, ótken aptada karantin talabyna qaramastan Kókjailaý shatqalynda bir top adam saýyq keshin uiymdastyryp, demalǵan.
