Aqmola oblysynda monitoringtik toptar karantindik talaptardyń buzylǵanyn anyqtady, dep habarlaidy oblystyq sanitarlyq-epidemiologiialyq baqylaý departamentiniń baspasóz qyzmeti.
Vedomstvonyń málimetinshe, aqpannyń 13-de saǵat 20:00 keiin Kókshetaý qalasynda «Orazbaev I.M» JK-niń «7 juma» dámhanasynyń «Kamin» laýndj-bary, «Doblegroup» JShS-niń «Miata» laýndj-bary, sondai-aq «Shaimurat» JK-niń «Zevs» kompiýterlik klýby jumys istedi.
Birjan sal aýdanynda «Bekenov» JK-niń «Samal» dúkeninde jáne «Feldsherov» JK-niń kserokóshirme bóliminde maska rejimi saqtalmaǵany anyqtaldy.
Tselinograd aýdanynyń Jalǵyzqudyq aýylyndaǵy «Jan Baian» dámhanasynda karantin shekteýlerine qaramastan senbi kúni 100 adamnyń qatysýymen úilený toiy ótkizildi.
Atbasar qalasyndaǵy «Sálem» jáne «Býrabai» dámhanalary senbi jáne jeksenbi kúnderi saǵat 20:00-den keiin jumys istedi.
Dál osyndai jaǵdai 14 aqpanda Sandyqtaý aýdanynda da tirkeldi. Onda «Major» dámhanasy shekteý sharalaryn buzdy .
«Demalys kúnderi (13 aqpannan 14 aqpanǵa deiin) monitoringtik toptar 73 reid júrgizdi, monitoringpen 360 nysan qamtyldy», - dep atap ótti vedomstvodan.
