17 tamyzdan bastap Qazaqstanda koronavirýs infektsiiasyna bailanysty engizilgen karantin sharalary jeńildetiledi. Alaida birqatar nysannyń jumysyna tyiymdar saqtalmaq, dep habarlaidy "Ult aqparat".
Atap aitqanda,
- oiyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge, sonymen qatar úide ótkizýge;
- barlardyń, túngi jáne oiyn klýbtarynyń, karaoke, fýdkorttardyń, kinoteatrlardyń jáne balalar men eresekterge arnalǵan basqa da oiyn-saýyq oryndarynyń jumysyna;
- mádeniet nysandarynyń, mýzeilerdiń qyzmetine, konferentsiialar, kórmeler, forýmdar ótkizýge;
- basseinder, qalalyq jáne qoǵamdyq jaǵajailar, ashyq akvaparkterdiń jumysyna;
- dini nysandardyń jumysyna;
- qala mańyndaǵy jolaýshylar poiyzdarynyń/elektrichkalardyń qozǵalysyna, jumys poiyzdaryn, qalaaralyq avtobýstardy/mikroavtobýstardy qospaǵanda, ortaq vagondardy qurýǵa tyiym salynady.
Sondai-aq epidemiologiialyq jaǵdaidy odan ári turaqtandyrý maqsatynda demalys kúnderi shekteý sharalary saqtalady.
«Maska rejimi men áleýmettik qashyqtyqty saqtaý ‒ barlyq adamdar úshin saqtalýy tiis mindetti sanitarlyq talaptar jáne bul azamattardyń kúndelikti ómirindegi erejelerge ainalýy qajet. Biznes sýbektileriniń qyzmetin olar tolyq daiyn bolǵan jaǵdaida ǵana qaita bastaý qajet», — dedi Úkimet basshysy Asqar Mamin búgin ótken memlekettik komissiia otyrysynda.
