Qaraǵandy qalasynyń Ortalyq mádeniet jáne demalys saiabaǵyndaǵy kóldiń jaǵalaýyndaǵy óli balyqtarǵa qatysty Mádeniet jáne demalys saiabaqtary men gúlzarlar basqarmasynyń mamandary túsinikteme berdi, dep habarlaidy "Ult aqparat".
Qaraǵandydaǵy Ortalyq mádeniet jáne demalys saiabaǵyndaǵy kóldiń jaǵalaýynda óli balyqtar tabyldy. Turǵyndar bul jaǵdaiǵa alańdaýshylyq bildirip jatyr. Mamandar bolsa kólde eshqandai ekologiialyq qaýip joq dep málim etti.
«Bul tabiǵi qubylys ekenin túsindire ketkim keledi. Sebebi jappai qyrylýdy biz baiqap otyrǵan joqpyz. Al ázirge jekelegen jaǵdai oryn alýda jáne bul qystan keiin barlyq kólderge tán nárse», - dep túsindirdi Mádeniet, demalys saiabaqtary jáne gúlzarlar basqarmasynyń bastyǵy Talǵat Smaiylov.
Sonymen qatar, qaraǵandylyqtar sońǵy jyldary Ortalyq saiabaqtaǵy kóldiń durys kútilmegenine shaǵymdanady.
«Búgingi tańda kóldi Buqpa ózeninen keletin sýmen toltyryp jatyrmyz. Sondai-aq, muzdyń erýine qarai kúndelikti qoqys jinalady», - dep túsindirdi Mádeniet, demalys saiabaqtary jáne gúlzarlar basqarmasynda.
