Qaraǵandy oblysy Sanitarlyq-epidemiologiialyq baqylaý departamentiniń basshysy Iýrii Zalygin «Pfizer» vaktsinasy kimderge salynatynyn aityp berdi, dep habarlaidy QazAqparat tilshisi.
«Pfizer» kompaniiasynyń «Komirnati» vaktsinasy salynady:
- 12 jastan asqan balalarǵa;
- júktiliktiń 16-37 aptasyndaǵy áielderge;
- bala emizetin áielderge (bosanǵannan keiin 42 kúnnen keiin).
«Qazirgi ýaqytta QR Bas memlekettik sanitarlyq dárigeriniń «Pfizer» óndirisiniń «Komirnati» vaktsinasymen immýndaý júrgizý boiynsha ádistemelik usynymdardy bekitý týraly qaýlysy shyǵaryldy. Bastapqy kezeńde KVI-ǵa qarsy profilaktikalyq ekpelerdi 16-dan 18 jasqa deiingi jasóspirimder ala alady, kelesi kezeńderde 15, 14, 13 jáne 12 jastaǵy basqa jas toptaryndaǵy jasóspirimder júieli túrde egiletin bolady. Men vaktsinatsiianyń erikti ekendigine nazar aýdaramyn, ekpe salý tek balalardyń ata-analary men zańdy ókilderiniń aldyn ala kelisilgen kelisimimen ǵana júrgiziletin bolady», - dedi Iýrii Zalygin.
«Komirnati» - bul koronavirýs infektsiiasyna qarsy vaktsina, quramynda immýndyq qorǵanys túzetin virýs joq, KVI týdyrmaidy. Vaktsina aǵzanyń immýndyq júiesin virýsqa qarsy antideneler shyǵarýǵa májbúr etedi, osylaisha deneni COVID-19-dan qorǵaidy.
«Vaktsinatsiia júrgizer aldynda koronavirýstyń jáne koronavirýsqa antidenelerdiń bar-joǵyna tekserý júrgizilmeidi. Profilaktikalyq egýdiń aldynda meditsina qyzmetkeri adamdy tekseredi, qarsy kórsetilimderi bolmaǵan jaǵdaida egýge ruqsatty resimdeidi, egilýshige nemese onyń ata - anasyna, sondai-aq zańdy ókilderine egý týraly tolyq jáne obektivti aqparat beredi, immýndaýdan keiingi yqtimal reaktsiialar men qolaisyz kórinister, egýden bas tartý saldary túsindiriledi», - dedi Iýrii Zalygin.
