Qaraǵandy oblysy boiynsha QAJD AK-159/9 mekemesiniń sottalýshysy 10 ádebi shyǵarma oqyp, merzimin 3 jylǵa qysqartty, dep habarlaidy QazAqparat.
Qańtar aiynda Qaraǵandy oblysy boiynsha QAJD penitentsiarlyq mekemelerinde «Sheksiz oqý» pilottyq jobasy iske qosyldy.
Ony ázirleýge Qaraǵandy oblysy boiynsha qylmystyq-atqarý júiesi departamenti, E.A. Bóketov atyndaǵy Qaraǵandy ýniversitetiniń orys tili men ádebieti kafedrasynyń, qoǵamdyq-baqylaý komissiiasynyń jáne adam quqyqtary jónindegi qazaqstandyq Halyqaralyq biýronyń qatysýymen oblystyq jáne mamandandyrylǵan prokýratýra qatysty.
Jobaǵa kóptegen sottalǵandar qatysty. «Sheksiz oqý» jobasy týraly bilgen bette, Lidiia oǵan belsendi qatysa bastady.
Birneshe kórkem ádebiet janryndaǵy kitaptardy oqyp, ol shyǵarmalardyń mazmunyn aityp bergen.
Ol úshin Lidiiaǵa mekeme basshysy kótermeleý taǵaiyndaǵan.
Taǵy birneshe kitap oqyǵannan keiin sottalýshylarǵa ekinshi ret kótermeleý berildi.
Jalpy sany 10 kitapty oqyp, eki marapatqa ie bolǵan Lidiia shartty túrde merziminen buryn bosatyldy.
Áiel salyq tóleýden jaltarǵany úshin bes jyl merzimge sottalǵan, onyń eki jylyn Qaraǵandy oblysynyń áielder koloniiasynda ótegen.
«Bizdiń mekemede «Sheksiz oqý» pilottyq jobasy júzege asyp jatyr. Oǵan 50-den astam sottalǵan qatysady. Jobaǵa alǵashqy qatysqandardyń biri yntalandyrý aldy jáne búgin shartty túrde merziminen buryn bosady», - dep habarlady AK-159/9 mekemesi bastyǵynyń orynbasary, ádilet podpolkovnigi Nazira Kádirova.
