Qaraǵandyda Arista meiramhanasynyń iesi men 7 tamyzda meiramhanada ótken eki toidyń uiymdastyrýshylaryna qatysty ákimshilik is qozǵaldy. Bul týraly Qaraǵandy oblysy sanitarlyq-epidemiologiialyq baqylaý departamentiniń baspasóz qyzmeti málimdedi, - dep habarlaidy Tengrinews.kz.
Vedomstvo málimetinshe, karantin sharalaryn buzǵandarǵa QR ÁQBtK-niń 425-baby 1-bóligi boiynsha aiyppul salynady. Osy baptyń sanktsiiasyna sáikes, jeke tulǵalarǵa 30 AEK mólsherinde aiyppul salynady, bul 87 510 teńge. Kásipkerlik sýbektilerge - 230 AEK, iaǵni 670 910 teńge.
"Bizdiń oblys "qoiý qyzyl" aimaqta. KVI boiynsha epidemiologiialyq jaǵdai bir aidan asa ýaqyt turaqsyz. Osyǵan bailanysty kópshilik jinalatyn is-sharalardy, sondai-aq otbasylyq, eske alý is-sharalaryn, onyń ishinde banketter, úilený toi, mereitoilar, eske alý, týǵan kúnder, "qudalyq", "betashar" jáne basqalardy oiyn-saýyq mekemeleri men úide ótkizýge tyiym salynǵanyn eske salamyz. Oblys kásipkerleri men turǵyndaryn barlyq karantin shekteýlerin saqtaýǵa shaqyramyz!", - dedi Qaraǵandy oblysynyń sanitarlyq-epidemiologiialyq baqylaý departamentiniń baspasóz qyzmetindegiler.
Eske salaiyq, buǵan deiin Qaraǵandy oblysy jer qatynastary basqarmasynyń basshysy Kalel Maqsutovty qaladaǵy elitalyq meiramhanalardyń birinde qyzyna "Uzatý toi" jasaǵany úshin qyzmetinen bosatylǵan bolatyn. 7 tamyzda qaraǵandylyqtar áleýmettik jelilerde Arista meiramhanasynda qymbat avtokólikterdiń jappai jinalǵany túsirilgen videony jariialai bastady.
Qaraǵandy oblysy PD baspasóz qyzmeti ókilderi sol kúni meiramhanada birden eki toi bolǵanyn habarlady. Ekeýin de mobildi top músheleri toqtatty.
