Qaraǵandy oblysynda Jastar jyly aiasynda «Ulytaý – Altyn orda besigi» atty ǵylymi-tanymdyq ekspeditsiia ótedi. Altyn ordanyń 750 jyldyǵyna arnalǵan joba «Rýhani jańǵyrý» baǵdarlamasy boiynsha júzege asyrylýda. Ol sondai-aq Elbasynyń «Uly dalanyń jeti qyry» maqalasynda qoiylǵan mindetterdi júzege asyrýǵa baǵyttalǵan, dep habarlaidy "Ult aqparat" Qaraǵandy oblysy ákimdiginiń saityna silteme jasap.
Ekspeditsiianyń bastamashylary Qaraǵandy oblysynyń mádeniet, muraǵattar jáne qujattama basqarmasy men oblystyq tarihi-ólketaný mýzeii boldy.
Jeti kúndik týrda bir top jastar Altyn orda dáýirindegi eskertkishterdi aralap qaitady. Ekspeditsiia quramyna jas tarihshylar, geograftar, ólketanýshylar, stýdentter, jýrnalist-blogerler, sýretshiler kiredi.
Sapar barysynda beinetúsirilim júrgiziletin bolady. Bolashaqta Altyn Orda tarihyna arnalǵan qysqa metrajdy film shyǵarý josparlanýda. Ekspeditsiia qorytyndysy boiynsha fotoalbom, kartalar men býkletter shyǵarylady.
Baǵdarlamaǵa sáikes, ekspeditsiia baǵyty Han ordasy qalashyǵyna, Joshy han, Alasha han, Aiaqqamyr, Bolǵan Ana, Belen Ana, Qulan Ana kesenelerine jáne basqa da kieli jerlerge barýdy qamtidy. Sharaǵa qatysýshylar Altynshoqy shyńyna, Basqamyr jáne Aiaqqamyr taýlaryna kóterilip, Terekti áýlie arheologiialyq keshenine barady.
Eske salaiyq, QR Prezidenti Qasym-Jomart Toqaev «Ulytaý-2019» halyqaralyq týristik forýmynda bul aimaq álemdik deńgeidegi etnografiialyq týrizmniń ortalyǵyna ainalýy tiis ekenin málimdegen bolatyn. Ol úshin qajetti jumystar Altyn ordanyń 750 jyldyǵyn merekeleý aiasynda bastalýy tiis, dep atap ótti Memleket basshysy.
