Qaraǵandy oblysynyń turǵyny 7 qolma-qol aqsha firmasyn quryp, memleketke 280 million teńge shyǵyn keltirgen, dep habarlaidy QazAqparat.
Qarajatty zańsyz qolma-qol aqshaǵa ainaldyrýdyń qylmystyq shemalarynda salyq tólemeitin bir kúndik firmalar paida bolady jáne olar nóldik kórsetkishtermen esep beredi.
Qarjy monitoringi agenttiginiń Qaraǵandy oblysy boiynsha aýmaqtyq departamenti baqylaýdaǵy 7 kompaniianyń atynan jalǵan shot-faktýra shyǵarý faktisi boiynsha N. Kojemiakinaǵa qatysty sotqa deiingi tergeýdi aiaqtady.
2018-2020 jyldar aralyǵynda N. Kojemiakina basqa tulǵamen qylmystyq sóz bailasyp, múliktik paida alý maqsatynda 7 kásiporyndy – «Read Oilers» JShS, «Gamma Proekt» JShS, «Stroifirma Aster» JShS, «JOǴARY QURYLYS» JShS, «VIZÝVII» JShS, «Vostok 98» JShS, «Meridian 2020»JShS satyp alyp, basqa tulǵalarǵa tirkedi.
Osy kásiporyndardyń atynan kórineý jalǵan málimetteri bar býhgalterlik qujattar jazyldy.
Kontragent-kompaniialarmen jasalǵan mámileler sheńberinde qarajatty zańsyz qolma-qol aqshaǵa ainaldyrǵany úshin N.Kojemiakina mámileniń jalpy somasynyń 3% mólsherinde syiaqy alǵan.
Qylmystyq árekettiń nátijesinde memleketke 280 million teńgeden astam mólsherde zalal keltirildi.
N. Kojemiakina sottaldy.
