Qaraǵandy oblystyq Politsiia departamentiniń qyzmetkerleri qaza bolǵan atyraýlyq politsei Shalqar Aqymǵalievtiń erligine taǵzym etti. Qaraǵandylyq tártip saqshylar arnaiy videorolik te túsirdi, dep habarlaidy QazAqparat tilshisi.
Oblystyq Politsiia departamentinde «Erlik sabaǵy» uiymdastyryldy. Sharaǵa qatysqan jas qyzmetkerlerge Shalqar Aqymǵalievtiń jasaǵan erligi týraly aityldy.
«Bul tek týystardyń ǵana qaiǵysy emes, bul bizdiń barlyǵymyzǵa ortaq qasiret. Shalqar júregimizde máńgige naǵyz batyr bolyp qalady. Osyndai erjúrek ul tárbielegeni úshin onyń ata-anasynyń aldynda bas iemiz», - dedi Qaraǵandy oblystyq Politsiia departamenti Shtab-basqarmasynyń bastyǵy, politsiia polkovnigi Natalia Adiýkina.
Shara sońynda jinalǵandar nazaryna departamenttiń ishki jáne syrtqy bailanys basqarmasy túsirgen videorolik kórsetildi. Onda politsiia qyzmetkerleri marqumǵa arnap shyǵarǵan óleń shýmaqtaryn oqyǵan.
Esterińizge sala ketsek, 21 naýryz kúni Atyraý qalasynda patrýldik politsiia serjanty Shalqar Aqymǵaliev sýǵa batyp bara jatqan áieldi qutqaramyn dep ózi ajal qushty. QR Ishki ister ministrligi tártip saqshysy memlekettik nagradaǵa usynylatynyn málim etti.
