Qaraǵandy oblysynda Sybailas jemqorlyqqa qarsy qyzmet zańnamalyq tyiymǵa qaramastan, kásipkerlik qyzmetpen ainalysqan laýazymdy tulǵalardy anyqtady, - dep habarlaidy Tengrinews.kz tilshisi.
"Rýhani jańǵyrý" óńirlik jobalyq keńsesi basshysynyń orynbasary memlekettik fýnktsiialardy oryndaýǵa ýákilettik berilgen tulǵalarǵa teńestirilgen adam retinde qabyldaǵan sybailas jemqorlyqqa qarsy shekteýlerdi buza otyryp, kásipkerlik qyzmetpen ainalysqan.
Onyń atyna tirkelgen JK Temirtaý Mádeniet saraiyna "Rýhani jańǵyrý" baǵdarlamasy aiasynda "Jaýyrtaýdaǵy kezdesý" festivalin ótkizý boiynsha 3,9 million teńge somasyna qyzmet kórsetken.
Osyǵan uqsas fakt Qaraǵandy qalasy Qazybek bi aýdanynyń aýdandyq Sanitarlyq-epidemiologiialyq baqylaý basqarmasynyń bas mamanyna qatysty anyqtaldy.
Onyń JK memlekettik organdar men uiymdarǵa keń tutynylatyn azyq-túlik emes taýarlardy jetkizýmen ainalysqan.
Atalǵan tulǵalar Qaraǵandy qalasynyń mamandandyrylǵan aýdanaralyq ákimshilik sotynyń sheshimimen ÁQBtK-niń 154-baby boiynsha kináli dep tanylyp, árqaisysyna 408 380 teńge kóleminde aiyppul salyndy.
Jalpy, Sybailas jemqorlyqqa qarsy qyzmet osy jyldyń basynan beri ákimshilik quqyqbuzýshylyq týraly 109 is qozǵap, 31,2 million teńge kóleminde aiyppul saldy. Ákimshilik jaýapkershilikke 100 jeke jáne 2 zańdy tulǵa tartyldy.
