Qaraǵandy oblysynda aýyldyq eldi mekender ákimin sailaýǵa 257 kandidat qatysty, dep habarlaidy "Ult aqparat".
Oblystyq sailaý komissiiasynyń tóraǵasy Erqara Aimaǵambetov óńirlik kommýnikatsiialar qyzmetinde ótken brifing barysynda tikelei sailaý qorytyndysy týraly aityp berdi.
Aýyl ákimderin sailaý 149 eldi mekenniń 75 sailaý okrýginde ótti.
257 kandidattyń 79-yn saiasi partiialar usyndy: NurOtan – 61, «Aýyl» HDPP – 3, «Aq Jol» QDP – 3, «ADAL» SP – 3 jáne QHP - 9 kandidat.
Qalǵan 178 kandidat - ózin-ózi usynǵandar.
«75 sailaý okrýgi boiynsha sailaýshylar tizimine 81 540 azamat kirdi, onyń 61 846-sy daýys berýge qatysty. Bul - 75,85%. Sailanǵan 75 ákimniń 28-i - memlekettik qyzmetshi. Onyń ishinde 17 adam sol aýyldyq okrýgte qaita sailansa, jeti adam basqa aýyldyq okrýgterdiń ákimderi boldy», – dep atap ótti Erqara Aimaǵambetov.
Bes sailanǵan ákim - kommertsiialyq qurylymdardan, 17-i – biýdjettik uiym qyzmetkeri, bireýi ýaqytsha jumys istemeidi, úsh ákim – áielder.
Sailanǵan ákimderdiń 61-in saiasi partiialar usyndy: Nur Otan – 56, «Aýyl» QHDP – 3, «Aq Jol» QDP – 1, «ADAL» SP - 1.
Taǵy 14 – ózin-ózi usynýshylar.
«Osakarov aýdanynan Aian Sháripov 100% «oń» daýys jinady. Aqtas jáne Dariia kentterindegi sailanýshylar arasyndaǵy daýysta eń az alshaqtyq boldy. «Barlyǵyna qarsy» eń kóp daýys sany (116) Aqtoǵai aýdanynyń Shashýbai kentinde tirkeldi - 7%. Daýysty qaita esepteý júrgizilgen joq», - dep qosty Erkara Aimaǵambetov.
