Órt sóndirýshiler Qaraǵandy oblysynyń Ulytaý aýdanyndaǵy tabiǵi órtti sóndirip jatyr, dep habarlaidy "Ult aqparat".
Tótenshe jaǵdailar ministrliginiń baspasóz qyzmeti atap ótkendei, ótken demalys kúnderi Qaraǵandy oblysynyń Ulytaý, Shet, Osakarov, Buqar jyraý aýdandarynda bir tabiǵi órt jáne tórt dala órti tirkelgen.
Jalpy aýmaǵy 142 gektardy quraǵan barlyq dala órti sóndirildi.
Qutqarýshylar Qaraǵandy oblysynyń Ulytaý aýdanyndaǵy tabiǵi órtti sóndirýdi jalǵastyryp jatyr. Aldyn ala aýmaǵy - 4 000 ga.
Órtti sóndirýge Qaraǵandy oblysy TJD, jergilikti atqarýshy organdarynyń, orman sharýashylyǵynyń kúsh-quralymdary, órtke qarsy erikti qurylymdar jáne jergilikti turǵyndar jumyldyryldy.
Olardyń jalpy sany - 229 adam men 66 tehnika.
Eldi mekenderge qaýip joq.
