Qara teńizde Minerva Symphony tankerinen munai tógildi. Oqiǵa 7 tamyzda Reseidiń Krasnodar ólkesinde «Kaspii qubyr konsortsiýmy» terminalynda munai tieý kezinde bolǵan, dep habarlaidy RBK.
Munai quiatyn qurylǵysy bar terminal Ońtústik Ozereevka kentindegi ailaqtyń mańynda, jaǵadan 600 metr jerde ornalasqan. Shyǵyn kólemi týraly aqparat joq. Akvatoriianyń lastaný aýdany – 200 sharshy metr.
Minerva Symphony tankeri Pirei portyna tiesili jáne Grekiianyń týymen júredi.
Reseidiń teńiz jáne ózen kóligi agenttiginiń málimdeýinshe, munaidyń jaǵalaý aimaǵynan tys jerge – odan shamaman 6 shaqyrym jerge tógilgen. Qazirgi kezde munai tógilgen mańǵa júzetin bógetter qoiyldy.
Kaspii qubyr konsortsiýmy lastanǵan jerdi ózi tazalamaq. Atap aitqanda, jedel shtab qurylyp, apattyq-qutqarý bólimshelerin jumyldyrylǵan.
