Tártipsizdik kezinde urlyq jasaǵany úshin 274 adam ýaqytsha ustaý abaqtysyna qamaldy. Bul týraly búgin Ortalyq kommýnikatsiialar qyzmetinde QR IIM Tergeý departamentiniń bastyǵy Sanjar Ádilov málim etti, dep habarlaidy QazAqparat.
«Urlyq pen tonaý qylmysyn jasaǵany úshin 274 adam ýaqytsha ustaý abaqtysyna qamaldy. Ustalǵandardyń kinási urlanǵan taýarlar men qarý túrindegi alynǵan zattai dáleldemelermen, sondai-aq beinebaqylaý kameralarynyń jazbalarymen, áleýmettik jelilerdegi roliktermen, kúdiktilerdiń ózderiniń uialy telefondarynan tabylǵan derektermen dáleldenedi. Mysaly, 19 qańtarda Almaty qalasynda 18 jastaǵy turǵyn ustaldy. Onyń uialy telefonynan azyq-túlik dúkenderiniń birinde urlyq jasaǵan beinejazba, urlanǵan zattar aiasynda «selfi» jasaǵany jáne eń soraqysy, kóshede bir politsiia qyzmetkerin top bolyp qatygez uryp-soǵýǵa qatysqany anyqtaldy. Bul beinejazbalardyń barlyǵyn kúdiktiniń ózi jasaǵan. Ol ýaqytsha ustaý abaqtysyna qamaýǵa alyndy», - dedi Ádilov.
Osy oraida ol mundai faktiler kóp ekenin atap ótti.
«Qazirgi ýaqytta óndiristegi qylmystyq ister boiynsha aryzdanǵan zalaldyń aldyn ala jalpy somasy 87 mlrd teńgeden asty. Zardap shekkenderdiń aryzdanýy barysynda bul soma ósip keledi», - dedi Tergeý departamentiniń bastyǵy.
