QR Ishki ister ministrligi tergeý departamentiniń bastyǵy Sanjar Ádilov vedomstvonyń qaraýynda qańtar oqiǵasy boiynsha qaralyp jatqan ister týraly málimet berdi, dep habarlaidy QazAqparat.
«Búginde ishki ister organdary tergeýshileriniń óndirisinde 1090 qylmystyq is bar. Qazirgi ýaqytta 165 adam qamaýda, olardyń barlyǵy aýyrlatatyn mán-jailar kezinde aýyr jáne asa aýyr qylmystar jasady.
Jeke basyn eskere otyryp, 315 kúdikti qamaýdan bosatyldy. Bul – alǵash ret qylmys jasaǵandar jáne óz kinásin moiyndaǵan adamdar», - dedi Sanjar Ádilov.
Sondai-aq ol 377 kúdiktige qatysty qylmystyq isterdi tergeý aiaqtalyp, sotqa berilgenin atap ótti.
«Olardyń kóbi urlyq jasaǵandar – 196 adam. Qarýdyń zańsyz ainalymyna kúdiktiler – 39, tonaý, urlaý jáne usaq urlyq jasaǵandar – úsheý», - dedi IIM ókili.
Onyń aitýyna qaraǵanda, búgingi tańda el sottary 168 adamdy sottaǵan.
«Olardyń ishinde 147 adam jasaǵan isine tolyqtai ókiný jáne keltirilgen zalaldy qalpyna keltirý boiynsha qabyldanǵan sharalardy eskere otyryp, adamgershilikqaǵidattaryn basshylyqqa ala otyryp, kópshiligi qoǵamnan oqshaýlaýǵa bailanysty emes jazalaý sharalaryna sottaldy», - dedi QR Ishki ister ministrligi tergeý departamentiniń bastyǵy Sanjar Ádilov
