© AP Photo / Vladimir Tretyakov
Qańtardaǵy jappai tártipsizdikterden keiin 300-ge tarta áskeri qyzmetker men politsei óz qyzmetin jalǵastyra almaidy, dep habarlaidy Sputnik Qazaqstan.
Qańtar oqiǵalary kezinde olar aýyr jaraqat aldy, sonyń saldarynan múgedek bolyp qalýy múmkin, dep málimdedi IIM.
Politseilerdi jerge qulatyp, taiaqpen, kaskamen, qolǵa túskenniń bárimen urǵan. Barlyǵy kúsh qurylymdarynyń úsh myńnan astam qyzmetkeri zardap shekti, olardyń 273-i áli aýrýhana tóseginde jatyr, keibiri – jansaqtaý bóliminde.
"Ókinishke qarai, olar endi jumys istei almaidy, múgedek bolyp qaldy deýge bolady", - dedi IIM tergeý departamentiniń bastyǵy Sanjar Ádilov.
Qarapaiym halyqtyń ishinde eki myńǵa jýyq adam aýrýhanaǵa júgingen. Alty júz adamda – oq jaraqaty, 500-ge jýyq adamda – pyshaq jáne taǵy basqa úshkir zatpen janshylǵan jaraqat.
