Frantsiiada mamyrda ótetin álemdegi eń bedeldi kinofestival keiinge qaldyryldy. Bul týraly The Guardian basylymy.
Festival maýsymnyń sońyna aýystyryldy. Uiymdastyrýshylar tolyq sheshimdi Frantsiiadaǵy jáne álemdegi densaýlyq saqtaý jaǵdaiy turaqtalǵannan keiin habarlaýǵa ýáde etti.
Bul qadam koronavirýs indetine qarsy kúresip jatqan úkimet sharalarynyń kúsheiýine bailanysty qabyldanyp otyr. Sebebi, juma kúni 100 adamnan asatyn sharalarǵa tyiym salyndy. Seisenbi kúni Frantsiia Shengen aimaǵyna kirýge tyiym salýdyń jalpy eýropalyq júiesine qosyldy.
Eske salaiyq, birneshe kún buryn Niderlandtyń Rotterdam qalasynda ótýi tiis bolǵan «Eýrovidenie» jyl saiynǵy halyqaralyq konkýrs toqtatylǵanyn habarlaǵan edik.
Uiymdastyrý komiteti baiqaýdy 2021 jyly Rotterdamda ótkizý múmkindigin qarastyryp jatyr.
