Ortalyq kommýnikatsiialar qyzmetinde ótken brifingide QR Ekologiia, geologiia jáne tabiǵi resýrstar ministri Serikqali Brekeshevke qańǵybas itterdiń sanyn retteý týraly suraq qoiyldy, dep habarlaidy QazAqparat.
Ministr bul másele arnaiy zań jobasynda egjei-tegjei qarastyrylǵanyn atady.
«Janýarlardy kútip ustaý jaýapkershiligi týraly» zań jobasynyń 24-baby boiynsha olardy aýlaý, ýaqytsha ustaý, óltirý sharalary Qazaqstan zańnamasyna sáikes júzege asyrylady. Zań jobasynyń 25-babynyń 2-tarmaǵy boiynsha, qańǵybas janýarlardyń sanyn ýlaý, himikattar paidalaný siiaqty kez kelgen tásilmen óltirý arqyly retteýge tyiym salynady. Bul janýarlarǵa gýmandy qarym-qatynas tanytý qaǵidaty men halyqtyń densaýlyǵyn, ómirin qaýip-qaterden qorǵaý qaǵidattaryn teńgerimde qoldaný arqyly iske asýy kerek», - dedi ol.
Sondai-aq, Serikqali Brekeshev atalǵan qujatta tipti osy iske mamandanǵan mekeme ókilderine shekteý qoiylatynyn atady.
«Bul erejede janýar aýlaý qyzmetterine haiýandardy basqa jaǵdailarda da óltirýge tyiym salynady. Zań jobasynyń eń negizgi ideiasy qańǵybas janýarlardyń sanyn gýmandy joldarmen retteý arqyly óltirýge tyiym salýǵa baǵyttalǵan. Bul: aýlap ustaý, iesin tabý, vaktsinalaý, sterildeý jáne erkin tabiǵatqa jiberý. Sonymen birge, qańǵybas janýarlardy aýlap, óltirýge qarastyrylǵan qarajatty tolyqtai jańa tásildi iske asrýǵa baǵyttaý kózdelip otyr», - dedi ministr.
