Meksikalyq boksshy Saýl Alvarestiń (53-1-2, 36 KO) jetekshisi Eddi Reinoso qaramaǵyndaǵy boksshynyń «Sinko de maio»-da kimmen kezdesýdi josparlaǵanyn aityp berdi, dep habarlaidy Sports.kz portaly.
«Kanelo» mamyrda ringke oralady jáne 168 fýnttaǵy myqty chempionmen aiqasady. Biz Golden Boy jáne DAZN-men kezdesip, Saýldiń kelesi qarsylasy kim bolatynyn anyqtaimyz. Olarda kelisimshart bar, oǵan qurmetpen qaraý kerek. Barlyq taraptyń kóńilinen kimniń shyǵatynyn kóremiz. Golovkinge keler bolsaq, biz onymen úshinshi jekpe-jek ótkizýge daiynbyz, biraq mamyrda emes, múmkin qyrkúiekte bolyp qalar», - dep málimdedi Reinoso.
«Kanelonyń» mamyrdaǵy qarsylasy sýper orta salmaqtaǵy britaniialyq chempiondar - Billi Djo Sonders (29-0, 14 KO) nemese Kallým Smit (27-0, 19 KO) bolýy múmkin.
