Shyńjańdyq qandasymyz Ýálihan Serikuly grek-rim kúresinen Qytai chempionatynyń altyn medalin utyp aldy, dep habarlaidy "Ult aqparat".
Bul jarys búgin Qytaidyń Únjý qalasynda bastalǵan bolatyn. Ýálihan Serikuly 63 keli salmaqta óner kórsetip, finalda shanhailyq qarsylasyn 9:0 esebimen utty. Qandasymyz osydan keiin Olimpiadaǵa litsenziialyq irikteý týrnirine qatysatyn bolady.
Ý.Serikuly – 1993 jyly Shyńjańnyń Dórbiljin aýdanynda dúniege kelgen. Qytai quramasynyń sapynda óner kórsetedi. Qytai chempionatynyń 4 dúrkin júldegeri, Majarstan astanasy Býdapeshte ótken álem chempionatynyń qola júldegeri, Aziia chempionatynda 3-oryn ielengen.
Ýálihannyń bapkeri Álnur Tórgeuly – halyqaralyq dárejedegi sport sheberi, Aziia chempionatynyń kúmis júldegeri. Qytai atynan 2004 jylǵy Afiny Olimpiadasyna qatysqan.
