Aǵymdaǵy jyldyń 1 qyrkúieginen bastap tarihi otanyna oralǵan etnikalyq qazaqtar úshin tórt memlekettik qyzmet «bir ótinish» qaǵidaty boiynsha kórsetile bastady. «Kandas mártebesin berý nemese uzartý» qyzmeti qonys aýdarýshylarǵa qajet taǵy úsh qyzmetpen birge kórsetiledi, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Osylaisha, kórsetiletin qyzmetti alýshy joǵaryda atalǵan memlekettik kórsetiletin qyzmetke ótinish bergennen keiin «Qandastar men qonys aýdarýshylardy qabyldaýdyń óńirlik kvotasyna engizý», «Sheteldikterge jáne azamattyǵy joq adamdarǵa Qazaqstan Respýblikasynda turaqty turýǵa ruqsat berý», sondai-aq «Qazaqstan Respýblikasynyń azamattyǵyn qabyldaýdy, qalpyna keltirýdi jáne odan shyǵýdy tirkeý» qyzmetterin paidalana alady.
«Bir ótinish» qaǵidaty boiynsha qyzmet kórsetý merzimderi:
– qandas mártebesin berý nemese uzartý – 4 jumys kúni;
– qandastar men qonys aýdarýshylardy qabyldaýdyń óńirlik kvotasyna engizý – 14 jumys kúni;
– sheteldikter men azamattyǵy joq adamdarǵa Qazaqstan Respýblikasynda turaqty turýǵa ruqsat berý – 45 kúntizbelik kún;
– Qazaqstan Respýblikasynyń azamattyǵyn alýdy, qalpyna keltirýdi jáne odan shyǵýdy tirkeý – 30 jumys kúni.
Qujattardy qabyldaý kúni memlekettik qyzmet kórsetý merzimine kirmeidi.
Osy kompozittik memlekettik qyzmetti alý maqsatynda qandastarǵa biryńǵai tizbege sáikes tiisti qujattardy usyný jetkilikti.
