Búgin QR Aqparat jáne qoǵamdyq damý ministrliginiń bastamasymen «Otandastar» qory alańynda memlekettik organdar men qandastardyń arasynda onlain-kezdesý ótti, dep habarlaidy "Ult aqparat" atalmysh qorǵa silteme jasap.
Qandastardyń suraqtaryna QR AQDM Etnosaralyq qatynastardy damytý komiteti, QR IIM Kóshi-qon qyzmeti komiteti, QR EHÁQM Eńbek, áleýmettik qorǵaý jáne kóshi-qon komiteti, QR AShM Jer resýrstaryn basqarý komiteti, QR SIM Konsýldyq qyzmet departamenti jáne «Otandastar qory» KeAQ basshylyǵynyń ókilderi jaýap berdi.
Kezdesý barysynda kóshi-qon protsesi kezinde qujattardy rásimdeý, karantindik shekteýler kezeńinde olardyń shetelden Qazaqstanǵa kelý tártibi, viza alý úshin shaqyrýǵa qoiylatyn talaptar, Qazaqstanǵa qonys aýdarǵysy keletin etnikalyq qazaqtardyń ultyn aiqyndaý tártibi jáne t.b. siiaqty ózekti máseleler talqylandy.
Sonymen qatar, kezdesýge qatysýshylar shetelden qonys aýdarǵan etnikalyq qazaqtardyń eńbek ótilin esepke alý, jeke sharýashylyq júrgizý maqsatynda aýyl sharýashylyǵy jerlerin jáne jaiylymdyq jerlerdi uzaq merzimge jalǵa alý jaiyn kóterdi.
Qandastar memlekettik organdardyń ókilderinen ózderin qyzyqtyrǵan barlyq suraqtarǵa jaýap aldy.
