Kanadada aptap ystyq saldarynan milliardtaǵan teńiz janýary qyrylyp qaldy, dep habarlaidy Toronto Star.
Kanadanyń jaǵalaý aimaǵynyń júzdegen shaqyrymynda Britandyq Kolýmbiianyń Tynyq muhity jaǵalaýyndaǵy jartasty jerlerdi mekendeitin midiialardyń, ulýlardyń, teńiz juldyzdarynyń bos qabyqtary jaǵaǵa shyǵyp qalǵan.
Biologtar jaǵalaý boiyndaǵy keibir jerlerde +50 gradýs temperatýrany tirkedi. Ádette mundai teńiz janýarlary +30 gradýsqa deiingi ystyqqa ǵana shydai alady.
Britandyq Kolýmbiia ýniversitetiniń teńiz biology Kristofer Harlidiń aitýynsha, aktiniilerdiń, tas balyqtardyń jáne ýstritsalardyń jappai qyrylý faktileri de tirkelgen. Onyń sanaýynsha, aptap ystyqtyń saldarynan milliardtan astam teńiz janýary qyrylǵan. Balyq pen janýarlardyń popýliatsiiasyn qalpyna keltirý úshin eki jyldan astam ýaqyt qajet bolmaq.
Aita keter jait, AQSh-tyń batys jaǵalaýyndaǵy jáne Kanadadaǵy aptap ystyq júzdegen ólimge ákeldi. Kanadalyq BAQ-tyń habarlaýynsha, tek Britandyq Kolýmbiia provintsiiasynda turaqty joǵary temperatýraǵa bailanysty sebepterden bolǵan ólim jaǵdailarynyń sany jarty myńǵa jýyqtady.
